今日離開柏林坐火車去法蘭克福
落街搭巴士去柏林火車中心站，原本以為巴士上係有自動售票機啦，點知係冇嘅係要同司機買票。坐左四站之後就順利到達柏林中央火車站，今次非常之順利打破咗我自己嘅紀錄，提前45分鐘就坐咗喺火車嘅月台上面，比起平時趕頭趕命咁樣去追車真係一個好唔同😅。
早上安靜的街道
柏林中央火車站外表全部都係玻璃嘅結構，而內裏包含咗南北東西上下幾層嘅火車路軌，同國內、香港火車站最唔同嘅地方係完全冇任何嘅入闸機安檢等等嘅程序，你甚至可以一路杀落去月台先買飛，係我呢個外人看来身在處於嚴重恐襲危機嘅德國嚟講簡直係不可思議。
結構複雜但看起來一切整整有條嘅柏林中央火車站
我坐嘅係ice火車直達法蘭克福
途中陰雨連綿，不时可以見到大排嘅風力發電機，德國嘅鄉郊亦都係人跡罕至。
到達法蘭克福中央火車站
一踏出法蘭克福火車站之後即刻發現呢個城市同柏林係完全兩種風格，有好多嘅高樓大廈有CBD，建築風格亦都较柏林现代化。 儘管係唔係CBD嘅地方樓房亦都唔係好高，但望落去就多咗幾分生氣。
前往古城區嘅途中就會見到好多高樓大廈
睇下人哋律師樓幾咁霸氣
到達歐羅大廈
古城區
今日嘅半日行程误打误撞居然將我想去嘅地方全部都去曬
羅馬廣場
法蘭克福室內小市場
法蘭克福大教堂，嚟到嘅時候可惜已經關左門了
来到美因河畔凉凉的清風帶來深深的秋意
经过铁桥往老城区返程
MyZeil商场附近的Zeil大街集中了所有的世界名牌，自己的装修风格也是别树一帜 喺商場入面揀咗好耐結果都係食番同尋晚一樣嘅泰國菜
呢度既KFC係將全名寫出嚟嘅
食完飯就翻民宿啦，繼續保持我到每個地方都要搭地鐵、影地鐵嘅習慣
Cloret’s playground 鳴鳴遊樂場 