2017.07.24 Tokyo Mt.Fuji Day 1

今次陪老婆同埋佢哋嘅閨蜜一齊返佢哋嘅家鄉日本，同平時行街買嘢有啲唔同嘅係，今次， 有一個突破，就係要攀登富士山！

咁當然唔係第一日去到就開始勇攀高峰，都係要做一啲準備活動先嘅（例如行街买也😆）。今日就會去鎌倉同埋江之島。

附有工業風的酒店Citan hostel https://backpackersjapan.co.jp/citan/en

鎌倉雖然而家係一個好細嘅城市，但係歷史上曾經係有重要嘅地位， 她曾經係鎌倉幕府嘅所在地，亦是留存有許多歷史遺跡和廟宇、神社的古都。

由東京坐小田急電鐵到達江之島站。

呢個小島由古時就係日本遊客遊覽參觀的地方， 一路行上山頂嘅途中有不少嘅食店，小島上亦有三座不同大細嘅神社。

江之島最出名嘅就係白飯魚刺身， 不過入口冇乜特別味道

好似有好多名人黎過啲間鋪頭嘅感覺

繡球花盛開嘅時期已經過咗，只剩兩朵可以欣賞一下

呢個位置喺全江之島上一個v型位，猛烈的海風由南面吹上嚟

日本神道沒有特定崇拜嘅某個人或者某個神， 塵世間萬物令人景仰嘅嘢都會視為係神， 所以喺日本見到奇異嘅自然景色或者自然界的事物，神道都認為佢係有神明附體，就好似呢一舊“力石”咁樣。 麻繩上面掛白紙，表明呢個區域係神明居住嘅地方，呢條麻繩就係區分人界和神界之間嘅結界。

恋人の丘「龍恋の鐘」 當然要合照一張啦

稚兒之淵，磯钓嘅好地方旁邊有一個海蝕洞

赤いお尻の男

鹽漬青瓜其實係唔好食嘅，得個咸字

離開江之島後我哋乘搭富有特色嘅江之島電鐵往鎌倉進發。江之島電鐵嘅特色，在於佢綠色嘅復古車身外型，路軌同民居嘅距離非常接近， 一條鐵軌雙向行車。

今次旅程發掘左一個新的構圖角度，跟住幾日都有嘗試，呢張係第一次的實驗品

中途大家都會喺鎌倉高校前站落車，為甚麼？看圖說話

對比圖一出不解釋，遊客實在太多啦好難影到同埋話入面一模一樣嘅感覺。

青銅製成的鐮倉大佛

行到有d攰

在民居間穿插的江之島電鐵

鎌倉小町通入面嘅pancake店 https://magia.tokyo/shop#kamakura，簡直係入口即化 從來未食過咁鬆化咁好味嘅“煎饼”

鶴岡八嶓宮神社