2017.07.25 Tokyo Mt.Fuji Day 2&3

富士山，最高海拔3775米，山頂係長年積雪，每年開放比一般登山者嘅登山時段只有7月至8月。要登山當然要事先做好充足的準備啦。

下面圖說明一般人登上富士山會選擇的幾條路線。

絕大部分嘅人都會選擇坐車坐巴士去到五合目，嗰度係登山嘅大本營口（其實亦可以說是半山腰），是交通匯聚點同埋各種商店，。如果唔登山嘅大媽團就會喺呢度合影留念就算啦。

由五合目出發可以選擇一日之內來回山頂同山腳，但係一般遊客係唔會咁做嘅，因為太攰啦。我地选择吉田線，由五合目上到八合目約4小時，八合目至山頂約3小時，連3小時回程，合共10小時。 當然呢個係最理想嘅狀態啦。

富士山腳路線點解會分成合目係有典故嘅。

攀爬富士山時會以「合目」來分段落，「合」是日本傳統量米或裝米的方形木製小容器，也可以拿來喝酒。「目」是第幾的意思。數字加上「合目」就是裝了第幾次的意思。

而使用「合目」的原因有5種說法，

一是富士山的形狀就像將裝在「合」這個容器裡的米放在地上時的樣子。

二、攀爬富士山時的辛苦，就像人生的苦難一般，如同梵語裡的「劫」這個字。因此取發音相近的「合」字，配上「目」後，就用「合目」來替代「劫數」。

三、由於富士山的祭神是女神，所以用10合目來代表孕育生命的10個月。

四、富士山頂稱作「御鉢」，與佛教裡用來供奉的米「御鉢料」同字，因此就以裝米的容器「合」來分段落。

五、古時衡量洪水的水量用「幾合幾勺」，因此取「合」來使用。除此之外，也有一說是和尚在爬富士山時，每走一段路就會稍做休息，休息時會喝一次酒，而喝十次正好到達山頂，所以就取10合目。

我哋喺幾個月之前就已經預訂咗八合目嘅旅店，因為登山季節每間旅店的床位非常之有限。但係去到之後先發現训觉系迫到沙甸魚一樣，大家平躺係一塊大床板上。

登山装备基本要有登山杖、登山鞋（ 由於富士山上都係小石粒，着普通波鞋上山系会穿底）、鞋套（ 防止泥沙進入你的低筒鞋）、防雨外套同埋褲、頭燈（半夜攻顶时用）

唔想帶住咁多嘢去旅行嘅話可以選擇喺日本嘅網站 Yamarent上面预订所有装备（ 包括上述所有嘅裝備，係超齊全！！） 咁樣就可以喺東京市區攞貨，然後落山喺山腳五合目还就可以， 污糟邋遢唔需要清洗都無問題。

登山前紀錄（Colombia專業登山）鞋底情況（結果落山後係毫髮無傷的）

出發前留影

居然喺山腳底下撞到香港嘅朋友仔（ 其實之後喺半山腰同埋山頂都有继续遇到佢哋）

在五合目餐廳食完呢個富士山形狀嘅咖哩飯就出發啦

中午12時，就咁開始無窮無盡嘅攀山之旅。 喺雲嘅下面係會見到不少灌木生长 （ 你冇睇錯，之後我哋係會爬上雲上面）

沒完沒了地喺Z字型嘅路向上爬（ 我相信原因係富士山嘅”泥土”非常之鬆軟需要呢啲加固嘅措施）

除咗鬆軟嘅暗紅色火山岩粒之外，都有不少嘅路段係需要用手爬上去嘅。

係呢段路上，不時遇到一隊隊登山的老人家，通常大家為了不打斷他們的隊伍，會靠埋一邊比佢哋一氣通過。還有不少家長帶小朋友來爬。你個發現自己其實不比這些老人家話小朋友行得快幾多。

天氣算係不錯，一直都冇落雨，只係穿越雲層嘅過程中遇到水氣。有好多人攀登富士山唔成功唔係因為路線嘅難度、体力問題，而係因為天氣太差。

登山口商店購買的木製行山杖更是最受登山客歡迎的紀念品，每到一個商店可以請店家燒烙上特有的印記，到山頂就可以印滿成支行山杖了。

你可以在富士山的地圖上清楚看到路線上有好幾個八合目。但是當你經過一個之後，你以為很快就會到達九合目。直到過了一個小時，你又看到另一個八合目的商店，不禁會讓你有點生氣，又有點氣餒。

經過五個鐘頭不停向上行之後來到八合目穿過咗雲層了。 攀登的過程中係非常單調、沉悶、枯燥的，最後嗰兩個鐘基本上係每行15分鐘就要坐低落嚟休息一下，一方面係體力下降嘅關係另外一方面應該係海拔升高嘅原因。漫長的登山路是對登山者耐力的考驗。到咗呢啲路段，很多時候你最大嘅體會係，你行兩步，需要後退半步，因為此時嘅碎石已經非常鬆散。

又見香港嚟嘅朋友仔

我們晚上在八合目御來光館休息。旅店嘅晚餐亦都係要預先預訂嘅，因為山上每一個物資都係非常之珍貴，富士山沿路嘅商店都係有廁所，不過乾淨程度就不能跟地面嘅相提並論，遠遠就會聞到味道，而且係必須準備100yen（還是300yen?)先可以使用廁所的。

罐頭係由山腳背上來的預備途中補充的干糧。

穿越厚厚嘅雲層之後重見陽光，基本上沒有植物生存了，太陽落山后氣溫亦開始下降。

旅館夜晚基本上係瞓唔著嘅，因為人與人之間嘅空間實在太窄，旁邊瞓嘅係一個你唔認識的陌生人， 轉身都要小心翼翼，不能夠驚醒旁人的美夢。而在大棚之下鼻鼾聲此起彼伏。所以勉強閉目養神咗一個小時之後就落返去大廳，坐低休息，準備凌晨出發。

為咗趕及喺日出前到達山頂觀賞禦來光，大部分人都係凌晨兩點前出發登頂。 由於係黑夜關係，大家前進嘅速度亦都變慢，同時由八合目至山頂嘅最後一段道路係非常之窄， 上升嘅道路上基本上係人貼人完全沒有空位，休息都要趁轉彎的時候站在旁邊的空位，以免阻擋後面人上升嘅步調。 不過由於海拔升高，如果你想快亦快不到哪裏去。

地圖上可以看到由八合目御來光館到山頂的最後一段路是個怎樣的狀況。

在黑暗中攀登兩個半鐘頭之後終於到達山頂，呢張相片有趣嘅地方就係雲層上面太阳已經開始升起，但係下方嘅人們還在黑暗之中。其實肉眼所見還能夠見到河口湖同吉田市附近市鎮嘅路燈。初時在想這張相片能唔能夠證明地球是圓的？後來想深一層，如果地球係一個平面，亦會出現咁樣嘅效果，可能只可以證明光線是直線行走吧😅

到山頂前的最後一段路

山頂商店食咗碗拉麵然後小睡片刻休息

置身於白雲之上的感覺（此時應該遇見到下山將會落大雨）

某些地方還有積雪

由於我要翻返御來光館攞行李，落山嘅時候行錯路，行咗上山時候嘅同一條路，應該行一條畀推土機行嘅路，咁樣就非常之平坦、落山非常之快，再在中途切回一條非正式道路就可以翻到御來光館。結果行上山個條小路速度超慢，仲要不停同上山的人爭路。

落到雲層下面之後就不停咁落雨啦，喺大平路嘅路段都行得非常之狼狽，如果尋日係咁樣嘅天氣嘅話根本冇可能通過哪些需要手腳並用嘅路段。

有一段時間太大雨以至於要留喺屋仔入面避雨。幾個鐘頭嘅連續淋雨令到防水衣都完全濕透，最後趕唔返原定个班東京市區嘅巴士，要改搭下一班才回東京。